ՀԱՅՏԱՐԱՐՈՒԹՅՈՒՆ

 

Հայագիտական ուսումնասիրությունները ֆինանսավորող համահայկական հիմնադրամի կողմից հայագիտական հրատարակությունների իրականացման և միջոցառումների անցկացման համար դրամաշնորհների տրամադրման վերաբերյալ

 

 Հայագիտական ուսումնասիրությունները ֆինանսավորող համահայկական հիմնադրամը աջակցում է հայագիտական կարևորագույն ծրագրերի իրականացմանը, հայագիտական գիտաժողովների և ամառային դպրոցների կազմակերպմանը, հայագիտական հիմնարար և արդիական հետազոտությունների հրատարակությանը, թարգմանություններին և հանրահռչակմանը։

 2023թ. Հիմնադրամը նախատեսում է հայագիտական հիմնարար և արդիական աշխա­տու­թյուն­ների հրատարակությունների և թարգմանությունների ֆինանսավորում հետևյալ ուղղություններով՝

1. հայագիտության առանձին գիտաճյուղերում կատարված հիմնարար ուսումնասիրություններ,
2. Արցախի պատմության, մշակույթի արդի փուլի իրադարձությունների ուսումնասիրու­թյուններ,
3. հայոց պատմության կեղծարարության և հայ մշակույթի յուրացման փորձերի բացահայտմանը և դրանց սնանկության հիմնավորմանը միտված ուսումնասիրություններ,
4. հայկական ինքնության ուսումնասիրություններ։

 

 Նախատեսվում է նաև հայագիտական բնույթի միջոցառումների կազմակերպման ֆինանսավորում հետևյալ ուղղություններով՝

1. հայագիտական կադրերի պատրաստմանն ուղղված ամառային դպրոցների կազմակերպում,
2. գիտաժողովների և կլոր սեղանների անցկացում։

 

 ՀՀ գիտական կազմակերպություններում և բարձրագույն ուսումնական հաստատություններում զբաղված ու գիտական աստիճան ունեցող գիտական աշխատողները, վերոհիշյալ ուղղություններով հետազոտությունների հրատարակության և ծրագրերի իրականացման համար Հայագիտական ուսումնասիրությունները ֆինանսավորող համահայկական հիմնադրամից աջակցություն ակնկա­լելու դեպքում, պետք է մինչև ս.թ. մարտի 1-ը hիմնադրամի էլ. հասցեին (info@haygithimnadram.am) ուղարկեն համապատասխան հայտեր՝ հաստատված գիտական կազմակերպության կամ բարձ­րա­գույն ուսումնական հաստատության գիտական խորհրդի կողմից։

 

 Հետազոտության հրատարակության համար դրամաշնորհի հայտում պետք է ներկայացնել հետազոտության արդիականությունը, գիտական նորույթը, համառոտ բովանդակությունը, արդյունքները, դրանց կիրառելիությունը (եթե նման հնարավորություն կա), հրատարակության հնարավորինս ճշգրիտ ժամկետը։ Պետք է ներկայացվեն նաև ակնկալվող ֆինանսավորման չափը և հրատարակության հիմնական չափանիշները (կազմը, նկարների առկայությունը, թղթի որակը և այլն), ինչպես նաև երկու մասնագիտական կարծիք։

 

 Հայագիտական բնույթի միջոցառումների իրականացման համար դրամաշնորհի հայտում պետք է ներկայացնել ծրագրի հրատապությունը, նպատակը, մասնավոր խնդիրները, համառոտ բովանդա­կու­թյունը, արդյունքի ակնկալվող ձևը, իրականացման ժամկետը, ինչպես նաև նախատեսվող ֆինանսական ծախսերի ուղղություններն ու չափերը։

 

             Հարցերի դեպքում կարող եք զանգահարել` հեռ. +(374 93)720055

 

                                                                   Հայագիտական ուսումնասիրությունները ֆինանսավորող

                                                                                                                   համահայկական հիմնադրամ