Հայագիտական ուսումնասիրությունները ֆինանսավորող համահայկական հիմնադրամի տնօրեն Ա. Եղիազարյանը օգոստոսի 5-ից 9-ը մասնակցեց Հայաստան-Սփյուռք համահայկական 11-րդ կրթական խորհրդաժողովին:
Խորհրդաժողովին մասնակցում էին կրթական և գիտական ոլորտների կազմակերպիչներ, ուսուցիչներ, հայագիտության տարբեր բնագավառների մասնագետներ, փորձագետներ ու գիտնականներ ՀՀ-ից և Սփյուռքից, ՀՀ պետական մարմինների ներկայացուցիչներ:
Խորհրդաժողովում քննարկվեցին Սփյուռքում առկա կրթական հիմնախնդիրները, դրանց լուծման հնարավորությունները Հայաստան-Սփյուռք համագործակցության ձևաչափում, ինչպես նաև հայապահպանությանը, հայագիտական կենտրոնների գործունեությանն առնչվող հարցեր:
Ա. Եղիազարյանը խորհրդաժողովի մասնակիցներին ներկայացրեց Հիմնադրամի գործունեության հիմնական ուղղությունները, վերջին տարիների ձեռքբերումները, ինչպես նաև քննարկեց նրանց և Սփյուռքի հայագիտական կենտրոնների ու անհատ հայագետների հետ սերտ համագործակցության հնարավորությունները:
Ձեռք բերվեցին համագործակցության հստակ պայմանավորվածություններ:
