ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ

 

Հայագիտական ուսումնասիրություները ֆինանսավորող համահայկական հիմնա­դրամը 2019 թ. հայտարարում է հայագիտական ուսումնասիրությունների նախա­գծերի մրցույթ, որոնք պետք է նպատակաուղղված լինեն տարածաշրջանում  աշխար­հա­քաղաքական արդի մարտահրավերների և դրանց հաղթահարման ուղիների վե­րա­բեր­յալ խնդիրների լուծմանը։

 

Առաջարկվում է առավել ուշադ­րութ­յուն դարձնել հետևյալ ուղղություններին.

1. Քաղաքական հայագիտությունը նոր մարտահրավերների դարաշրջանում։
2. Իսլամը Հարավային Կովկասում և հնարավոր մարտահրավերները։
3. Հայկական մշակույթը Մերձավոր Արևելքում. արդի վիճակը, միտումները, հնարավորությունները և սպառնալիքները։
4. Մերձավորարևելյան զարգացումները և հայկական հիմնախնդիրների լուծման գերակայությունները։ 
5. Մերձավոր Արևելք. հին խաղացողներ, նոր մարտահրավերներ։

 

ՀՈՒՖՀ հիմնադրամին ներկայացված ծրագրերի կատարման համար տրվում է 1  տարի ժամանակ։

Ներկայացվող ծրագրերում պետք է առանձնացվեն փուլեր` նշելով դրանց իրակա­նաց­ման ժամկետներն ու առաջադրանքները, ֆինանuավորման ծավալները` համա­պա­տաuխան հաշվարկներով ու հիմնավորումներով։

Նախագիծը կարող են իրականացնել ինչպես մեկ գիտական խումբ՝ իր ղեկավարով և աշխատակիցներով, այնպես էլ անհատ գիտնականներ։

Սույն հայտարարությունը տպագրելուց մեկ ամիս անց մրցութային հանձնաժողովը կսկսի աշխատանքները։ Մանրամասն տեղեկությունների համար դիմել՝

ք. Երևան, Բաղրամյան 24, 40 սենյակ

հեռախոս. 52 13 62

info@haygithimnadram.am

ՀԱՅԱԳԻՏԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐԸ  ՖԻՆԱՆՍԱՎՈՐՈՂ ՀԱՄԱՀԱՅԿԱԿԱՆ ՀԻՄՆԱԴՐԱՄ