«ՀԱՅԿԱԿԱՆ ՈՒՏԵՍՏՆԵՐԻ ԵՎ ՏՈՆԱԾԻՍԱԿԱՆ ՀԱՄԱԿԱՐԳԵՐԻ ՈՒՍՈՒՄՆԱՍԻՐՈՒԹՅՈՒՆ»
Հայագիտական ուսումնասիրությունները ֆինանսավորող համահայկական հիմնադրամը հայտարարում է «Հայկական ուտեստների և տոնածիսական համակարգերի ուսումնասիրություն» թեմայով գիտական հայտերի մրցույթը:
Մրցույթն իրականացվում է երկու առանձին ուղղություններով (թեմատիկ հետազոտական նախագծերով)`
- հայկական ուտեստի համակարգի ուսումնասիրություն,
- հայկական տոնածիսական համակարգի ուսումնասիրություն:
Ծրագիրն ուղղված է հայկական ուտեստի և տոնածիսական համակարգերի վերաբերյալ մինչ այժմ իրականացված հետազոտությունների ամփոփմանն ու նոր հետազոտությունների իրականացմանը, ինչպես նաև արդյունքների հանրայնացման հայեցակարգի մշակմանը, ինչը կհանդիսանա գիտական հենք` ազգային խոհանոցին, տոնակատարություններին, ծեսերին, խաղերին նվիրված պետական միջոցառումների պատշաճ կազմակերպման համար:
Մրցույթն իրականացվում է գիտական և գիտատեխնիկական գործունեության «Հասարակական գիտություններ» և «Հայագիտություն և հումանիտար գիտություններ» բնագավառներով։
Մրցույթին ներկայացվող նախագծերը պետք է համապատասխանեն կից ներկայացվող՝ Հայկական ուտեստի համակարգի ուսումնասիրության և Հայկական տոնածիսական համակարգի ուսումնասիրության ծրագրերում սահմանված ուղղություններին և սկզբունքներին։
Հայտերի ներկայացման վերջնաժամկետը Էլ.տարբերակով՝ 2023 թ. ապրիլի 7-ն է, իսկ թղթային տարբերակով՝ 2023 թ. ապրիլի 14-ը:
Մրցույթի հրավերը և ծրագրերը կարող եք տեսնել ՆՅՈՒԹԵՐ բաժնում:
